ТРОПАРИ И КОНДАКИ ТОБОЛЬСКИМ СВЯТЫМ
Тропарь св. муч. Феодору Тобольскому, глас 4.
т юности Церкви Христовой послуживший, / и крест болезней и скорбей благодушно нося, / яко столп крепок пребыл еси / со Христом в сердце неразлучно пребывая / Православие в душах верных утверждая / и прещения мучителей ни во чтоже вменяя, / течение временныя жизни мученически скончал еси / святый мучениче Феодоре, / моли Христа Бога спастися душам нашим.
Кондак св. муч. Феодору Тобольскому, глас 3.
Града Тобольска смиренный подвижниче, / и терпения тишино необоримая, / приходящим к тебе с верою утешение / прославляем тя страдальче Феодоре // моли о спасении душ наших.
Тропарь свт. Гермогену Тобольскому, глас 7.
Во святителех дивен показался еси / ревностию по Бозе окрыляем священномучениче Гермогене. / И пастве Сибирстей путевождь во страданиях являяся / с царственными страстотерпцами узы и заключения разделяя / и страдальчески путь скончавши / на небесех мзду трудов твоих восприял еси / молися за народ наш ко Господу.
Кондак свт. Гермогену Тобольскому, глас 4.
Подвиг святительский добре свершившаго / и течение мученическое мужественно скончавшаго / прославляем тя священномучениче Гермогене / яко предстателя тя пред Господем / за страну Российскую.
Тропарь свт. Филофею, глас 3.
Начальниче духовного просвещения / народов Сибири крестителю, церквей православных устроителю / Царствие Божие в душах верных насаждал еси и блаженство небесное восприял еси / похвало Сибири, святителю Филофее / моли Христа Бога / спастися душам нашим.
Кондак свт. Филофею, глас 3.
Ко Господу Иисусу любовь от юности стяжал еси / благодать Святаго Духа в пастве твоей утверждая / апостольским трудом наследниче / многия души Отцу Небесному всыновил еси / и подвиг сугубый совершил еси, / преподобне отче Филофее / молитвенниче о душах наших.
Тропарь прп. Мисаилу Абалакскому, глас 4.
Церкви Православныя усердный служителю / и пастырем ея благодушный помощниче / отроков учащихся дивный наставниче / житие свое в трудах священных до кончины провождал еси / и блаженное успение восприял еси, / преподобне отче наш Мисаиле, // моли Христа Бога спастися душам нашим.
Кондак, прп. Мисаилу Абалакскому, глас 3.
Церкви Христовой светильниче, / Абалацкия обители заступниче, / града Тобольска преславное украшение, / преподобне отче Мисаиле, / непрестанно моли небеснаго Царя Христа // спастися душам нашим.